Sekretari i Përgjithshëm i NATO-s, Jens Stoltenberg, u shpreh optimist se vendet anëtare të aleancës më të madhe ushtarake në botë do të zotohen edhe një herë për të përmbushur kriterin e shpenzimeve për mbrojtjen në masën 2% të Prodhimit të Brendshëm Bruto (GDP).
Gjatë një takimi me kryeministrin portugez, Antonio Costa, Stoltenberg tha se pret që zotimi të bëhet në samitin e radhës të NATO-s që do të mbahet në Lituani.
Në buxhetin e vitit 2023, Shqipëria ka llogaritur 25,9 miliardë lekë, ose 230 milionë euro shpenzime për mbrojtjen, që përbëjnë 1,19% të GDP-së, shifër shumë më e ulët se ajo që kërkohet nga NATO.
“Kemi shumë sfida të cilat nuk mund t’i përballojë asnjë shtet apo kontinent i vetëm. Kështu që duhet të ndërmarrim vendime të guximshme dhe të vërtetojmë përkushtimin tonë ndaj lidhjes transatlantike”, tha Stoltenberg.