Kryeministri Edi Rama ndodhet në Shkodër, në kuadër të një turi falënderues që do të zhvillojë në të gjithë vendin, pas fitores në zgjedhjet lokale të 14 majit.
Rama u pa duke shëtitur në rrugët e qytetit, nën shoqërinë e Benet Becit, i cili fitoi zgjedhjet e të dielës së kaluar, por edhe të Elisa Spiropalit, drejtueses politike të Partisë Socialiste në Shkodër dhe Edona Bilali, ministre shteti për Mbrojtjen e Sipërmarrjes.
Gjatë vizitës, Rama do të vizitojë Muzeun e Krimeve të Komunizmit, do të takohet me këshilltarët socialistë të Këshillit Bashkiak, si dhe do të ndjekë një ndeshje basketbolli. Takimi falënderues do të zhvillohet pasdite në Teatrin Migjeni.