Dy shtetas, 40 dhe 30-vjeç, ka rënë në prangat e policisë së Beratit, pasi vidhnin në mënyrë të përsëritur dhe posedonin doza të lëndës narkotike kanabis.
Nga veprimet hetimore dyshohet se 2 shtetasit, në bashkëpunim me njëri-tjetrin, kanë vjedhur disa herë, gjatë këtij muaji, sende personale në një automjet, si dhe pajisje në 2 banesa të ndryshme.
Njoftimi i policisë:
“DVP Berat
Vidhnin në mënyrë të përsëritur dhe posedonin doza të lëndës narkotike kanabis, arrestohen 2 shtetas.
Strukturat operacionale të DVP Berat, si rezultat i veprimeve hetimore, të kryera me qëllim zbardhjen e disa vjedhjeve të ndodhura më parë, kanë arrestuar nje 40 vjeçar dhe nje 32 vjeçar, (i dënuar më parë për veprën penale “Vjedhja”), të dy banues në Berat.
Nga veprimet hetimore dyshohet se 2 shtetasit, në bashkëpunim me njëri-tjetrin, kanë vjedhur disa herë, gjatë këtij muaji, sende personale në një automjet, si dhe pajisje në 2 banesa të ndryshme.
Gjatë arrestimit, të dy shtetasve iu gjetën dhe iu sekuestruan doza të dyshuara të lëndës narkotike kanabis.
Vijon puna për zbardhjen e vjedhjeve të tjera që mund të jenë kryer nga këta shtetas.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme”, njofton policia.