Vendimi i Partisë Socialiste për të mos rikandiduar Vangjush Dakon si kandidat për bashkinë e Durrësit ka bërë që partia në pushtet të mos e caktojë pëfundimisht emrin e njeriut që të do të konkurrojë në zgjedhjet lokale të 30 qershorit.
Shumë emra kanë qarkulluar duke filluar nga drejtori i OSHEE-së, Ardian Çela apo dhe nënkryetari aktual i bashkisë, Arbër Braho, djali i deputetit të PS-së, Spartak Braho.
Por ditët e fundit po qarkullon emri i drejtorit të Ujësjëllësit dhe Kanalizimeve të qytetit bregdetar. Është pikërisht Spartak Kovaçi kandidati më i mundshëm i PS-së për zgjedhjet e 30 qershorit.
Prej ditësh ministra apo drejtues të lartë të shtetit kanë nisur përurimin e projekteve të kanalizimet në apo ndërtimin e rrjetit të ujësjellësëva duke synuar promovimin e drejtorit Kovaçi.
Kështu të tilla kanë qenë takimet e zhvilluar nga ministrja Balluku, si dhe së fundmi nga drejtoresha e Autoritetit të Rrugëve, Sonila Qato.
Kovaçi njihet si një njeri pranë kryebashkiakut aktual Dako.
Edhe pse opozita ka shpallur bojkotin e zgjedhjeve, Oerd Bylykbashi përflitet si një nga kandidatët e mundshëm i opozitës për këtë bashki.
