Tradhtia ndaj partnerit nuk është gjithmonë rezultat i një marrëdhënieje të keqe. Në fakt ekzistojnë edhe disa arsye të tjera që i çojnë shumë persona të tradhtojnë:
Për disa, tradhtia është një mënyrë për të eksploruar. Ata në të vërtetë nuk duan të ndryshojnë se kush janë, ata thjesht duan t’i shpëtojnë atij kufizimi për një kohë. Ata nuk kërkojnë një person tjetër për një lidhje, por një version të fshehur të vetes.
Një problem me vetëvlerësimin është shpesh shkaku i mashtrimit. Shumë nuk ndihen tërheqës, të zgjuar, të rinj… ndaj kërkojnë vërtetimin përmes tradhtisë. Ata përdorin mashtrimin për ta bërë veten të ndihen të dëshiruar dhe të vlerësuar.
Këta njerëz janë si fëmijët që duan atë që prindërit u kanë thënë se nuk mund ta kenë. Për ta, ajo që është e ndaluar është jashtëzakonisht tërheqëse. Meqenëse partnerët nuk duhet të tradhtojnë, mashtrimi është veçanërisht interesant dhe tërheqës për ta.
Disa njerëz tradhtojnë sepse kanë pritshmëri jorealiste për atë që partneri dhe marrëdhënia e tyre mund të ofrojnë. Ata mendojnë se partneri i tyre duhet të plotësojë çdo nevojë dhe dëshirë të tyre dhe nëse nuk kanë miq dhe familje për të mbushur boshllëkun, ata kërkojnë ngushëllim tek një partner tjetër.