Deri më 21 prill në Komisionin Qendror të Zgjedhjeve pritet të regjistrohen nëntë parti të reja, për zgjedhjet vendore të 30 qershorit.
Afati ligjor në fakt mbyllet këtë të dielë, më 21 prill, por për shkak të ditëve të pushimit, ky afat sthyhet deri të martën.
Kështu, partitë e reja që do të regjistrohen të martën nga KQZ, janë: Partia e Reformave Demokratike Shqiptare, Demokracia Sociale, Partia Zgjidhja, Pajtimit Kombëtar, Social-Punëtore, Partia Ligj dhe Drejtësi, Fryma e Re Demokratike, Aleanca Kuq e Zi, Partia Lista e Barabartë. Deri tani në Komisionin Qendror të Zgjedhjeve janë regjistruar 25 parti politike.
Ndërkaq, sot u bë e ditur se është pezulluar procesi I tenderimit për zgjedhjet vendore. Sipas raportimev, burime nga KQZ kanë thënë se pezullimi i procesit nuk ka lidhje me situatën e tensionuar politike në vend. Burimet për Nevvs 24 bëjnë me dije se po bëhen përpjekje që situata të zhbllokohet përmes një procedure me negociim, për shkak se gjithçka duhet të jetë gati për zgjedhjet e 30 qershorit dhe KQZ në detyrimin e saj ligjor dhe institucional të vijojë me procesin e organizimit dhe administrit të zgjedhjeve lokale.
Lexo edhe- KQZ pezullon tenderin për fletët e votimit
