20 persona kanë humbur jetën pas zjarrit që shpërtheu në konviktin e shkollës në shtetin e Amerikës së Jugut, Guajana.
“Me pikëllim të madh ju sjellim një përditësim tronditës për zjarrin në konviktin e shkollës së mesme Mahdia. Numri i të vdekurve aktualisht është 20, ndërsa disa të tjerë kanë marrë lëndime”, thuhet në një deklaratë të Departamentit të Informacionit Publik.
Në deklaratë nuk thuhet nëse viktimat ishin nxënës, mësues apo anëtarë të tjerë të stafit, por shtoi se zyrtarët po përgatiteshin të transportonin shtatë fëmijë në kryeqytet, Georgetown, për trajtim mjekësor.