Marrëdhëniet kalojnë nëpër faza të ndryshme dhe herë pas here mund të duket sikur ka humbur shkëndija apo pasioni mes anëtarëve. Përditshmëria, detyrimet, stresi dhe pasiguria për të ardhmen kontribuojnë negativisht në zhvillimin e një marrëdhënieje pa nënkuptuar se janë në gjendje ta prishin atë.
Kur ka vullnet, mirëkuptim dhe respekt gjithçka mund të kapërcehet. Mirëpo, nëse në çift humbet ndjenja e dashurisë, atëherë gjërat vështirësohen.
Ka disa shenja në një lidhje që tregojnë se dashuria e njërit prej dy partnerëve ka filluar të zbehet. Pa qenë absolute, pasi çdo çift dhe çdo person është i ndryshëm, lexoni më poshtë shenjat që duhet t’ju shqetësojnë nëse dëshironi që lidhja juaj të vazhdojë.
Gjithçka bëhet shkak për një grindje
Nëse partneri juaj ankohet vazhdimisht, edhe për gjërat më të thjeshta, kjo mund të tregojë një shkëputje emocionale nga ju dhe lidhja juaj. Ai pranonte disa nga të metat tuaja ose gabimet e vogla që keni bërë. Tashmë gjithçka bëhet rast për grindje dhe zemërime.
Edhe mosmarrëveshjet. Pas ankesave që mund të bëjë, ai fillon të mos pranojë diskutime dhe dialog. Ose sepse nuk dëshiron të harxhojë energji ose sepse thjesht është mërzitur të debatojë. Argumentet shpesh tregojnë pasionin që ekziston në marrëdhënie. Çiftet zihen sepse kujdesen për njëri-tjetrin. Kur njëri nga dy partnerët duket indiferent edhe ndaj një bisede të thjeshtë, ndoshta dashuria që ata ndjenë nuk është më aty.
Është krejtësisht e arsyeshme dhe normale që çdo njeri të mbajë disa gjëra për vete, qoftë edhe nga personi që ka zgjedhur si partner. Por nëse këto sekrete ndikojnë në marrëdhënie, atëherë ka një problem. Kjo ose do të thotë se ka një tjetër interes dashurie ose se ai nuk ju numëron më ndër njerëzit e tij të besuar.
Kontakti me sy në shtrat zhduket
Kur dashuria e një mashkulli fillon të zbehet, atëherë seksi bëhet… rutinë. Kontakti me sy në atë kohë mund të jetë afrodiziaku i fundit. Nëse dikush nuk është më i dashuruar, atëherë pasioni në shtrat humbet dhe loja me sy ndalon.