49-vjeçarja M. Kristo është gjetur pa shenja jete nga të afërmit e saj në afërsi të banesës në fshatin Gozhdarazhdë të Kolonjës.
Korrespondentja e Klan News, Daniela Zisi raporton se ka qenë vëllai i saj, i cili më 20 Prill ka deklaruar se ka humbur kontaktet me viktimën, ditë kur 49-vjeçarja ishte larguar nga banesa.
Nga po të njëjtat burime, mësohet se M. Kristo kishte probleme të shëndetit mendor.
Ekspertiza mjeko-ligjore pritet të përcaktojë shkaqet e vdekjes së 49-vjeçares.