Presidenca e Kosovës ka reaguar në lidhje me tensionet në veri të vendit. Shefi i kabinetit të presidentes së Kosovës, Vjosa Osmani, Blerim Vela është shprehur se strukturat ilegale dhe kriminale të Serbisë kanë marrë urdhër për përshkallëzimin e situatës.
Përmes një postimi në rrjetet sociale, Vela deklaroi se dhuna ndaj forcave të rendit nuk do të mbizotërojë dhe se Serbia do të mbajë përgjegjësi.
“Strukturat ilegale dhe kriminale të Serbisë në veri të Kosovës kanë marrë urdhër për përshkallëzimin e situatës në terren. Protestues “paqësor” që përdorin veprime hibride dhe të dhunshme kundër forcave të rendit. Dhuna nuk do të mbizotërojë. Serbia mban përgjegjësi të plotë për përshkallëzimin”, shkruan Vela në Twitter.