Ish-kryetari i Partisë Demokratike, Lulzim Basha, ka zhvilluar një takim me të rinjtë demokratë.
Sipas Bashës, të rinjtë po largohen nga vendi pasi nuk kanë mundësi dhe e para që duhet bërë është dëgjimi dhe pjesëmarrja e tyre në procesin politik.
“Hapi parë që keni hedhur në 14 maj nuk është pak, mjerë ata që nuk e lexojnë. Por unë kam shpresë që është fillimi i një reagimi rinor. Çfarë dinë ata që erdhën t’ju kërkojnë votën. Çfarë dinë ata për nevojat tuaja, ëndrrat tuaja? Asgjë. E dini pse nuk dinë asgjë, sepse janë të vjetër sepse ka kohë që merren me njëri-tjetrin. Unë kam një plan se si mund të përballemi me këtë nga pikëpamja politike. Nga përgjegjësitë e atyre që kanë marrë përsipër të zgjidhin problemet e këtij vendi duhet të konstatojmë se rinia është e mërzitur, largohen, nuk marrin pjesë në votime. Sigurisht, prej mungesës së hapësirës, konkurrencës, meritës por edhe sepse rinia nuk dëgjohet. Dikush që nuk dëgjohet nuk ka vend aty. E para që duhet të bëjmë është të dëgjojmë zërin e rinisë, të gjithë qytetarëve, por rinisë është fillimi, duke dëgjuar ata të krijojmë hapësirë që rinia të marrë pjesë në procesin politik. Të fillojmë të mendojmë se si politikën ta kthejmë me fytyrë nga hallet e njerëzve., Kam një propozim, listat e hapura. Listat e hapura do të bëjnë të mundur që në parlament por edhe në këshillin bashkiak të shkojnë ata që marrin vota nga qytetarët jo ata që i rendisin kryetarët”, tha Basha.