Kjo e hënë ka nisur me tensione në veriun e Kosovës. Qytetarë serbë u mblodhën të protestojnë para ndërtesave komunale në veri të Kosovës, ku në 26 maj pati përplasje me policinë që shoqëroi kryetarët e rinj të komunave që të hynin në zyrat e tyre.
Në orët e para të mëngjesit, grupime qytetarësh janë mbledhur në komunat e Leposaviçit, Ybutin Potokut dhe Zveçanit ku edhe ka prani të shtuar të forcave të policicisë. Në Zveçan policia ka hedhur gaz lotsjellës për të shpërndarë protestuesit.
Në 26 maj, pati përplasje mes forcave speciale të Kosovës dhe protestuesve serbë të cilët u mblodhën para ndërtesave komunale për të mos lejuar kryetarët e rinj të zgjedhur me votë që të hynin për të nisur detyrën e tyre. U desh ndërhyrja e policisë për të bërë që kryetarët e zgjedhur të arrinin të hynin në zyrat e tyre.
Kjo shkaktoi rritje të tensioneve, ku pati përplasje të ashpra mes proteshtuesve dhe policisë që si rrjedhojë sollën edhe plagosjen e 5 prej efektivëve. Në disa prej komunave u dëgjuan të shtëna armësh dhe u ngritën barrikada.