Një alpinist dhe skiator ekstrem i njohur nga Gjermania është gjetur i vdekur në malin e tretë më të lartë të botës në Himalaje.
Trupi i pajetë i Luis Stitzinger u zbulua dje në majën Kanchenjunga në lartësinë 8,400 metra.
54-vjeçari ishte bërë i njohur në skenën e sporteve të ngjitjes edhe me zbritjet e spektakolare me ski. Ai raportohet se kishte arritur majën Kanchenjunga pa bombula shtesë oksigjeni apo ndihmën e guidave lokale.
Ngjitja e tij kishte nisur pasditen e një jave më parë nga kampi në lartësi 7,600 metra, dhe kishte arritur majën për 24 orë.
Stitzinger planifikonte të kthehej në kamp duke rrëshkitur me ski por nuk u kthye kurrë dhe nuk mund të gjurmohej me rrjetin GPS. Prej kushteve ekstreme të motit në majë, grupet e shpëtimit u nisën drejt tij vetëm katër ditë më vonë.