Është ndarë nga jeta në moshën 84-vjeçare Theodoros Pangalos, ish-ministër i Jashtëm i Greqisë.
Lajmi u bë i ditur nga familja e tij në rrjetet sociale. Ai u zgjodh për herë të parë deputet në zgjedhjet e përgjithshme të vitit 1981 me PASOK dhe është rizgjedhur vazhdimisht që nga viti 2012.
Në vitin 1996, ai u emërua ministër i Punëve të Jashtme dhe mbajti këtë post deri në dorëheqjen e tij në 1999. Ishte gjithashtu njohës i gjuhës dhe kulturës arvanitase duke deklaruar hapur prejardhjen e tij prej arvanitasve të Atikës.
Ai gjithashtu shërbeu për një kohë të shkurtër si ministër i Kulturës në vitin 2000.