Ministria e Punëve të Jashtme dhe Diasporës e Kosovës iu ka bërë thirrje qytetarëve të saj që të evitojnë kalimet në territorin e shtetit serb.
Përmes një njoftimi zyrtar, qeveria e Kosovës ka kërkuar nga qytetarët e saj që të shfrytëzojnë rrugët alternative.
“MPJD, gjatë ditës ka pranuar raportime për arrestime të qytetarëve të Republikës së Kosovës nga autoritetet serbe përgjatë kalimit të tyre nëpër Serbi, dhe po merret nga afër me rastet nëpërmjet Zyrës Ndërlidhëse në Beograd”, thuhet në njoftimin e Ministrisë së Punëve të Jashtme dhe Diasporës.