“Rithemelimi” i Sali Berishës ka ndryshuar sloganin që do i shoqërojë për muajt në vijim, kjo deri në përfundim të analizës të procesit zgjedhor që kanë nisur të bëjnë, për humbjen e thellë që morën në zgjedhjet lokale të 14 Majit.
“Pa zgjedhje të lira, nuk ka zgjidhje”, është slogani i ri i “Rithemelimit”, ku më parë kanë pasur “Shqipërisë i dalim Zot”, apo edhe “Ndryshimi në duart e tua”.
Pas përfundimit të zgjedhjeve, ku koalicioni “Bashkë Fitojmë” mori vetëm 7 Bashki, Sali Berisha ka deklaruar se do të hetojë qendër për qendër për të vërtetuar se 14 maji ishte një “farsë elektorale”.
Sesa do të zgjasë kjo analizë nuk dihet, e ndërsa në përfundim të saj, Sali Berisha ka bërë me dije se do të votëbesohet, ashtu siç e kërkon statuti i Partisë Demokratike të ndryshuar në dhjetor prej tij.