Kryetarja e Kuvendit, Lindita Nikolla përcolli sot mesazh përshëndetës në Ditën Kombëtare të Suedisë.
“Me rastin e Festës Kombëtare të Suedisë, përshëndetje të ngrohta popullit suedez, Parlamentit dhe kryetarit Andreas Norlén”, shkruan Nikolla në mesazhin e saj.
Kryeparlamentarja vuri në dukje se Suedia është një vend mik i Shqipërisë, një mbështetëse e fuqishme e rrugëtimit tonë evropian, e zhvillimit dhe konsolidimit të institucioneve demokratike.
“Kuvendi i Shqipërisë ishte ndër parlamentet e para të vendeve anëtare që ratifikoi pranimin e Suedisë në NATO dhe mirëpret këtë anëtarësim”, shkruan kryetarja e Kuvendit, Lindita Nikolla.