Prokuroria e Posaçme ka firmosur sot urdhërarrest për ish-kryebashkiakun e Durrësit, Vangjush Dako dhe disa ish-zyrtarë të Bashkisë së Durrësit. Pak kohë pas daljes së urdhërarrestit, Vangjush Dako u vetëdorëzua në Drejtorinë e Policisë së Tiranës.
Në mesin e të arrestuarve janë edhe Adhurim Qehajaj, ish-drejtor i Urbanistikës, dhe Lira Kërtusha, juriste pranë Urbanistikës. Po ashtu urdhërarreste janë lëshuar për; Adi Limeta, Roza Kovaçi, Edlira Kertusha, Adnand Tocila, Fiqir Farruku (ndërtues).
Ndërkohë, para 4 vitesh, në një dalje në emisionin “Opinion” Dako hidhte poshtë akuzat ndaj tij për korrupsion duke bërë një deklarëtë që bëri xhiron e rrjetit në atë kohë.
“Jam akullore unë. I shikon këtu duar, janë të pastra”, deklaronte Dako, që tani është e qartë që akullorja është…shkrirë.