I jepet lamtumira Mira Markoviçit, gruas së Sllobodanit
Kjo është shtëpia e familjes Millosheviç, në qytetin Pozharevaç. Urna me mbetjet mortore ka arritur nga Moska. Për t’i bërë nderime ish-Zonjës së Parë të Serbisë kanë ardhur disa qindra familjarë, miq e simpatizues, që kurrë nuk kanë hequr dorë nga dashuria për ta.
Në ceremoninë mortore në Serbi nuk ka patur familjarë. I biri në arrati, e bija pa dokumente jeton në Mal të Zi. Ish-bashkëpunëtorët e kanë ngritur në piedestalin më të lartë. Ata ishin viktima që nuk u gjunjëzuan para botës. U quajtën liridashës dhe idealist.
“Keni jetuar në kohën kur Serbia ka ruajtur lirinë e saj që të qëndrojë dhe të ruajë nderin. Serbia e ka ruajtur nderin pasi ju nuk jeni gjunjëzuar asnjëherë para padrejtësisë”, tha Milovan Bojiç, ish-Ministër i Shëndetësisë.
“Mira Markoviç dhe familja e saj i janë nënshtruar padrejtësive më të mëdha dhe këtë e tregon fakti që nuk kishte takuar të bijën e saj Marinë prej 14 vjetësh. Asnjëherë nuk ka bërë asgjë që ta përmirësojë këtë padrejtësi”, u shpreh Milomir Bullatoviç, ish-Presidenti i Malit të Zi dhe Kryeministër i Jugosllavisë.
Pas ceremonisë, qytetarët erdhën për të shprehur ngushëllimet dhe për të bërë nderime. Disa politikanë morën pjesë, por asnjë zyrtarë shteti. Çifti Millosheviç prehet tashmë bashkë nën hijen e një lisi të blinit, duke i dhënë fund fizik një epoke të qeverisjes absolute që përfundojë në Hagë dhe ekzil.