Dashnor Sula ishte një prej deputetëve që u shanë dhe kërcënuan nga një grup militantësh pasi dolën nga mbledhja e Kryesisë së PD-së së vulës në orët e para të mëngjesit të ditës së sotme.
Teksa u pyet për personin që e shantazhoi me familjen, Sula nuk u përmbajt, por e kërcënoi në transmetim të drejtpërdrejtë.
Ai tha në emisionin ‘e Eni Vasilit ‘Open’ se nuk ia pa mirë fytyrën, pasi po ta njihte do t’ja hiqte gurmazin.
“I pari doli Bardhi dhe unë, në fakt Bardhin nuk e sulmuan, por mua më shanë dhe ofenduan. Nuk bëj viktimën, kam punuar në 15 prokurori dhe nuk e njoh frikën, por kur e ndaj mendjen, nuk i kam të frikë të fortët që më ka dërguar ai zotëria dhe më kërcënuan mua dhe familjen time. Shanë me fjalë banale…
Ishte errësirë sepse po ta njoh si fytyrë ia heq gurmazin, të më dalë para syve dhe të më shajë. Nuk shaj dhe nuk shantazhoj, dhe nuk lejoj njeri ta bëjë me mua”, theksoi deputeti.