Këtë të Enjte në “Opinion” vjen një intervistë ndryshe e Behgjet Pacollit, brenda shtëpisë së tij gjigande.
Në intervistë për Blendi Fevziun, ai tregoi disa nga dekoratat e çmimet e shumta që ka marrë, jo vetëm nga Shqipëria, por shumë vende të botës.
Më të veçantat janë pikërisht ato që Pacolli ka marrë pas misioneve të suksesshme humanitare ku ka shpëtuar shumë pengje. I pyetur se cili është sekreti i negocimit në raste të tilla, ai theksoi një profeci të gjyshit të tij që e ndjek gjithmonë.
Behgjet Pacolli: Kam marrë çmimin për shkak të lirimit të Shqipe Habibit e cila ishte marrë peng në Afganistan edhe të një diplomati tjetër, dhe ata nuk e harruan këtë e më ftuan e më dhanë këtë çmim.
Blendi Fevziu: Vetëm një gjë më ka çuditur, ke shpëtuar disa veta, jo vetëm Shqipe Habibin. Dhe një pilot në Afrikë. Si arrin të negociosh me ta? Paguan apo e zgjidh…?
Behgjet Pacolli: Nuk është pagesa çdo gjë! Çdo gjë është te një profeci që gjyshi im ma ka lënë. Ai thoshte gjithmonë “kalo dhe kujdesu që dera mos të mbyllet mbrapa”.
Blendi Fevziu: Të jetë gjithmonë e hapur.
Behgjet Pacolli: Dhe unë gjithmonë ku kam kaluar, jam kujdes për këtë dhe dyert kanë mbetur hapur.