Sot ti jepet lamtumira Silvio Berlusconit me funeralin shtetëror që do të mbahet në orën 15:00 në Duomo dhe do të kremtohet nga kryepeshkopi i qytetit, Mario Delpini.
Presidenti italian Sergio Mattarella, kryeministrja Giorgia Meloni, dhe të paktën 32 zyrtarë qeveritarë do të jenë pjesë e ceremonisë. Të pranishëm do të jenë edhe krerët e shteteve të huaj, duke përfshirë hungarezin Viktor Orban.
Një turmë prej 2 mijë personalitetesh të përzgjedhur do të lejohet të marrin pjesë, ndërkohë që dy monitorë gjigantë do të vendosen në sheshin “Duomo”.