Shkon në 78 numri i personave që kanë humbur jetën nga fundosja e anijes me emigrantë në Pylos të Greqisë, ndërsa qindra të tjerë rezultojnë të zhdukur.
Anija, 30 metra e gjatë, ishte nisur nga Tobruku i Libisë dhe kishte si destinacion Italinë. Ajo udhëtoi për 5 ditë në det para se të fundosej në ujërat ndërkombëtare 47 milje detare në jugperëndim të Pylos.
Sipas informacioneve të fundit janë kryer 22 evakuime ndërkohë që vijojnë kërkimet për nxjerrjen e trupave të tjerë.