Kreu i grupit parlamentar të PD-së, Gazment Bardhi ka kërkuar masë disiplinore për kreun e grupit të PS, Taulant Balla duke thënë se ka fyer deputetët.
Kjo kërkesë e Bardhit erdhi pasi Balla e quajti Albana Vokshin dhe Flamur Nokën personifikim të budallait gjatë fjalës së tij në Kuvend.
“Ne e kemi kryeministrin me kartelë dhe budalla, por nuk ia kemi thënë asnjëherë, ndaj kërkoj masa për kreun e grupit parlamentar për gjuhën fyese ndaj dy deputeteve që i quajti budallenj.
Unë thashë ne kemi kryebudalla për kryeministër dhe nuk ia kemi thënë. Nuk mundet askush të fyejë kolegët pa asnjë shkak. Ju kërkoj të merrni masa disiplinore për shkelje të etikës”, tha Bardhi.