Policia e Shtetit ka marrë një plan masash për garantimin e rendit dhe sigurisë para, gjatë dhe pas ndeshjes ndërkombëtare të futbollit ndërmjet ekipeve të Shqipërisë dhe Moldavisë, që do të zhvillohet sot në orën 20:45, në stadiumin “Air Albania”.
Për mbarëvajtjen e këtij aktiviteti, si dhe për të lehtësuar qarkullimin e automjeteve në qytetin e Tiranës, nga ora 16:00 e ditës së dotme deri në përfundim të ndeshjes, do të aplikohen kufizime të qarkullimit të mjeteve në disa akse rrugore në afërsi të stadiumit.
Rrugët që do të jenë të bllokuara:
-bulevardi “Dëshmorët e Kombit”, nga kryqëzimi i Presidencës deri te stadiumi;
-rruga “Papa Gjon Pali II”;
-rruga “Dervish Hima”, nga ambasada e SHBA-së deri te stadiumi; about:blank
-rruga “Asim Zeneli”, nga ambasada e SHBA-së” deri te stadiumi;
-rruga “Themistokli Gërmenji”;
-rruga “Ismail Qemali”, nga kryqëzimi i liceut deri te stadiumi;
-rruga “Mustafa Matohiti”, nga shkolla “Kosova” deri te stadiumi;
-rruga “Jul Variboba”, nga posta deri te stadiumi;
-rruga “Gjergj Filipi”;
-rruga “ Lekë Dukagjini”, nga ish-Gardës së Republikës deri te stadiumi;
-rruga “Avdyl Frashëri”, nga kryqëzimi i Librit Universitar deri te stadiumi.