Prej mëngjesit të sotëm, forca të shumta të Policisë së Shtetit, përfshirë edhe forcat RENEA kanë zbarkuar në një megaoperacion në kampin MEK në Durrës, për të ushtruar kontrolle në të gjitha ambientet dhe zyrat ku janë strehuar aktivistë të opozitës iraniane.
Ka një tension të fortë dhe përplasje të forta mes muxhahedinëve dhe Policisë. Po ashtu MEK prentendon për 2 viktima. Iranianët po bëjnë rezistencë dhe po vijojnë që të protestojnë kundër forcave të policisë shqiptare.
Urdhri i kontrolleve është bërë në kuadër të një hetimi për qëllime terroriste. Konfirmohet se bëhet fjalë një operacion që ka ardhur pas informacioneve të siguruara për qëllime terroriste, dhe kjo ka qenë arsyeja e ndërhyrjes.