Në dosjen për vendimin e GJKKO për kontrollin në MEK, shkruhet se dyshohet se nga organizata “MEK” nga territori i Republikës së Shqipërisë, janë kryer sulme kibernetike ndaj Republikës islamike të Iranit në periudha të ndryshme kohore si dhe ndaj institucioneve të shtetit Iranian.
Konkretisht, si edhe në detajet e tjera që Report Tv ka përcjellë, grupi dyshohet se ka hakuar mbi 5000 kamera sigurie të organeve shtetërore iraniane dhe 150 faqe interneti që i përkisnin Bashkisë së Teheranit.
Madje, sipas procesverbalit, thuhet se në një kanal në telegram, grupi “Kryengritja deri në Përmbysje”, që dyshohet se është i lidhur me anëtarët e MEK në Shqipëri, kanë publikuar video në rrjetin social nga pamjet e sigurisë që kishin hakeruar nga Irani. Në postimin e bërë në Telegram shkruhej se ishin pamje nga kontrolli i trafikut në Teheran.
“Në postimin e bërë me datë 13.06.2022, ora 18:34 konstatohet një video e dyshuar e marrë nga kamerat e rrugëve në qytetin e Teheranit, në të cilën ka një mbishkrim me emërtimin “TEHRAN TRAFFIC CONTROL”, shkruhet në dosje.
Anëtarët e MEK dyshohet se kanë kryer sulme dhe ndërhyrje të paligjshme kompjuterike jashtë Shqipërisë, nga baza e Manzës në periudh 2002-2023, duke u bërë shkak për kërcënime të vazhdueshme nga Irani në drejtim të vendit tonë. Episodi i parë i dyshuar është sulmi ndaj Ministrisë së Jashtme të Iranit të cilës në maj 2023 i janë kopjuar 210 faqe materiale dhe të dhëna prej 50 TB (terrabajt). Ky akt, sipas publikimeve në internet është kryer nga grupi i vetëquajtur “kryengritja deri në përmbysje”. Një tjetër episod, është ai i sulmit kibernetik ndaj bashkisë së Teheranit, dhe sistemit të kamerave rrugore atje, në vitin 2022, që dyshohet se është kryer nga MEK. Faqe të kontrolluara prej tyre, kishin bërë publike dokumentat dhe video nga trafiku rrugor në qytet te hackeruara dhe policia shqiptare e ka zbuluar duke fillura keshtu hetimet.