Ministrja për Evropën dhe Punët e Jashtme, Olta Xhaçka mori pjesë në Konferencën e Rimëkëmbjes së Ukrainës 2023, e cila u organizua nga Mbretëria e Bashkuar dhe Ukraina, në datat 21-22 qershor 2023, në Londër. Xhaçka theksoi se Shqipëria do të vijojë ndihmën e saj ndaj Ukrainës, teksa nënvizoi se “duke mbështetur luftën për lirinë dhe të ardhmen e këtij shteti, po mbështesim të ardhmen e të gjithë globit”.
“Shqipëria do të bëjë gjithçka mundet. Kryeministri Rama është zotuar, së bashku me Malin e Zi dhe RMV, të ndihmojnë në rindërtimin e Irpin. Ne do të ofrojmë mbështetje në nivel lokal, ashtu siç do të vazhdojmë me ndihmën tonë për të ndihmuar Ukrainën të mbrohet, ose me ndihmën tonë në nivel diplomatik”, kryediplomatja shqiptare.
Në këtë event morën pjesë 60 vende, 40 prej të cilave u përfaqësuan nga krerët e shteteve dhe ministrat e jashtëm. Përgjatë saj, Ministrja Xhaçka është takuar me homologë të Maqedonisë së Veriut, Malit të Zi, Mbretërisë së Bashkuar, Austrisë, Kroacisë, Azerbajxhanit dhe Moldavisë me të cilët ka diskutuar çështje të sigurisë dhe integrimit.