E nisur nga Italia drejt Vlorë, notarja Eva Buzo u detyrua ta lërë në mes sfidën e saj për të përshkuar me not kanalin e Otrantos, pasi pati probleme shëndetësore 27 orë pas qëndrimit në ujë.
Eva Buzo ka përshëndetur me një mesazh të gjithë ata që i qëndruan pranë e që i uruan shërim. Ajo thotë se ndihet mirë dhe është e shëndetshme.
“Përshëndetje të gjithëve, dua të them një mesazh për ju. Ndihem shumë mirë dhe jam e shëndetshme. Notova për një kohë tepër të gjatë dhe tani thjesht dua të ha një picë të madhe dhe një pije energjike. Po më mbajnë në spital thjesht për një observim të gjendjes sime shëndetësore. Do të dëgjohemi përsëri shumë shpejt derisa sa të qetësohem. Wow çfarë noti!”-thotë Eva.
Avokatja 35-vjeçare duhet të mbërrinte në Vlorë mbrëmjen e të premtes, por u detyrua ta linte në mes këtë nismë pak milje larg Karaburunit, teksa i ishin shfaqur tashmë brigjet shqiptare.