75-vjeçari Vesel Isufi që kishte humbur kontaktet me familjarët prej tre ditësh është gjetur i pajetë pasditen e sotme në fshatin Vergo të Delvinës.
Policia bën me dije se trupi i tij është konstatuar nga dy barinj të zonës, të cilët më pas kanë njoftuar efektivët e policisë.
“Sot, në fshatin Vergo, Delvinë, nga dy barinj të zonës, është gjetur i pajetë, shtetasi V. I., 75 vjeç, banues në Sarandë. 75-vjeçari ishte shpallur në kërkim policor nga Komisariati i Policisë Sarandë, pasi familjarët e tij kishin humbur kontaktet me të, prej datës 21.06.2023.”
Nga veprimet e para dhe këqyrjes së jashtme të kufomës, nuk janë konstatuar shenja dhune.
Grupi hetimor nën drejtimin e Prokurorisë, po punon për zbardhjen e plotë rrethanave të ngjarjes”, njofton policia.