Kreu i Partisë së Lirisë, Ilir Meta ka reaguar pas lirimit të tre policëve të Kosovës, këtë të hënë nga ana e Serbisë. Në një postim në rrjete sociale, Meta thekson se rikthimi tek dialogu rruga e vetme për normalizimin përfundimtar.
“Lirimi i tre policëve të Kosovës, edhe pse i vonuar, është një veprim pozitiv, që i dha fund një akti tepër të rëndë provokativ. Rikthimi tek dialogu dhe finalizimi i marrëveshjeve të negociuara përmes BE dhe SHBA është rruga e vetme për normalizimin përfundimtar të situatës dhe të marrëdhënieve Kosovë- Serbi”, shkruan Meta.