Gjykata e Tiranës ka dënuar me 15 vite burg Alban Menerin, i cili rrahu për vdekje fqinjin e tij, Nikolin Stakën, pas sherrit për një vend parkimi.
Ngjarja e rëndë ndodhi rreth një vit më parë, kur Staka është munduar ta qetësojë Menerin teksa ky i fundit po zihej me një grua për një vend parkimi që ai pretendonte se e zotëronte.
Meneri e ka sulmuar Stakën me grushta derisa e ka lënë të vdekur. Pronarja e banesës ku jetonte viktima Nikolin Staka, ka treguar se 51-vjeçari Alban Meneri ishte një person problematik në zonë dhe thuajse konfliktohej herë pas herë me banorët, kjo për hapësirën që ai pretendonte se e zotëronte me certifikatë, por që sipas pronares ishte e jashtëligjshme.
Ajo ka treguar dhe momente nga ngjarja e rëndë, duke u shpreh se autori vazhdonte ta godiste viktimën me grushte edhe pasi ky i fundit ishte i shtrirë në tokë.