Një 34-vjeçar shqiptar në Australi është dënuar me 8 vite e 2 muaj burgim pasi ishte i radikalizuar dhe ka luftuar për grupet terroriste në Siri. Mediat australiane shkruajnë se përveç kësaj, ai është tallur online rreth prerjes së kokave të të burgosurve.
Agim Ajazi u shpall i fajshëm për 3 akuza në Gjykatën Supreme në Brisbane të martën. Në to përfshihej edhe përkrahja e terrorizmit dhe pjesëmarrja në aktivitete armiqësore në një vend të huaj.
Muajin e kaluar, gjykata dëgjoi se 34-vjeçari, i cili jetonte në Gold Coast, udhëtoi në Turqi në vitin 2013. Nga viti 2014, ai bënte kalime të rregullta në kufirin sirian për të luftuar si ushtar në beteja “jashtëzakonisht të egra”.