Protesta të dhunshme janë duke u përhapur në të gjithë Francën, pasi një 17-vjeçar u qëllua për vdekje nga policia gjatë një ndalimi trafiku në periferi të Parisit, Nanterre.
Si rrjedhojë, njerëzit kanë protestuar rrugëve për tre net radhazi, duke djegur makina, e duke hedhur gurë dhe fishekzjarrë.
Për këtë, qeveria franceze ka ndërmarrë një sërë masash, duke pezulluar operimin e autobusëve dhe tramvajit pas orës 21:00. Në të njëjtën kohë do të anulohet dhe koncertet apo aktivitete kulturore të parashikuara.
Presidenti francez Emmanuel Macron iu kërkuar prindërve që të mbajnë adoleshentët në shtëpi për të kufizuar trazirat në qytetet franceze.
Ai gjithashtu fajësoi mediat sociale për nxitjen e dhunës dhe tha se ato kishin luajtur një “rol në ngjarjet e ditëve të fundit”.