Pas Marcus Thuram, Interi ka piketuar një tjetër emër për sulmin. Bëhet fjalë për italianin Federico Bonazzoli, i cili është pjesë e Salernitanës në Serinë A italiane.
Sulmuesi 26-vjeçar është rritur në akademinë zikaltër dhe e njeh mirë kampionatin, teksa te Interi e shohin si të përshtatshëm edhe për listën UEFA.
Ausilio ka nisur kontaktet me Salernitanën, duke ofruar ta marrë sulmuesin në këmbim të mesfushorit Gaetano Oristanio, një tjetër talent i dalë nga akademia zikaltër, që së fundi ka qenë pjesë e holandezëve të Volendaam. Me Lautaron e Thuram, por edhe ardhjen e mundshme të Lukakut, Bonazzoli do të shërbente për të plotësuar numrin, por të të njëjtën kohë për të qenë një emër i mirë në pankinë, në pritje të shansit të tij.