Jason Derulo u ka bërë thirrje artistëve që të ndihmojnë në eliminimin e tendencës së fundit të fansave që u hedhin atyre sende në skenë, si telefona apo gjëra të tjera gjatë kohës që ata janë duke performuar.
Ndërsa po promovonte librin e tij të ri me titull “Sing Your Name Out Loud: 15 Rules for Living Your Dream”, Derulo u shpreh se nuk e kupton pse duhet të ndodhë dicka e tillë.
“Ju nuk fitoni asgjë nga kjo. Gjithçka që bëni është të mos respektoni artistin. Më ka ndodhur edhe më parë”.
Ylli i hitit “Love Not War” beson se artistët mund të jenë pjesë e zgjidhjes duke mos u angazhuar me fansat që u hedhin sende ndërsa janë në skenë.
Një rast i tillë famëkeq ndodhi në koncertin e artistes shqiptare me famë botërore Bebe Rexha, e cila u godit në fytyrë nga telefoni i një fansi teksa po këndonte një këngë në mes të koncertit.