Sistemet e stuhive që nisen në veriperëndim të vendit u regjeneruan duke rrugëtuar drejt lindjes dhe kushtëzuan stuhi lokale me vetëtima dhe bubullimë. Lokalisht pati rrebeshe mjaft intensive dhe breshër.
Tani nga perëndimi dhe qendra pason stabilizimi gradual i atmosferës, ndërsa sistemet e vranësirave janë zhvendosur në lindje ku ende janë mjaft aktive në disa lokacione.
Orëve të ardhshme pritet stabilizim gradual i motit në tërë rajonin, ndërsa mund të ketë rigjenerime të ndonjë stuhie të izoluar në ndonjë lokacion. Disa stuhi ende janë mjaft aktive në Maqedoninë Veriore, lindje dhe juglindje të Shqipërisë.
Mot i paqëndrueshëm, me intervale kohore me diell dhe rrebeshe lokale shiu na pret edhe nesër dhe pasnesër, ndërsa nga e shtuna do të pasojë stabilizimi i atmosferës dhe ardhja e një anticikloni që do të sigurojë shumë dite të nxehta dhe stabile.