Rritja e kostove, e kombinuar me rritjen e inflacionit, kanë sjellë tashmë shtrenjtim të tarifave të kompanive që ofrojnë shërbime telekomunikacioni në Europë. Në shumicën e vendeve europiane, termat dhe kushtet e llogarive thonë se tarifat rregullohen në bazë të inflacionit
Arsyetimi i autoritetit të pavarur bazohet në faktin se në vitin 2022, në bazë vjetore krahasimi, Indeksi mesatar mujor i Çmimeve të Konsumit i grupit të Komunikimeve shënoi një ndryshim negativ prej – 2.44%, pra deflacion. Përkundrazi, totali i shërbimeve dhe mallrave të Indeksit të Çmimeve të Konsumit shënoi inflacion prej 9.65%. Ndryshimi i rregullores së përgjithshme të licencës do t’i lejojë ofruesit të ndryshojnë çmimet e kontratës një herë në vit, ndërkohë që atyre u ndalohet të rregullojnë tarifat para se të kenë kaluar tre muaj nga lidhja e kontratës.
Një mekanizëm përkatës indeksimi ekziston në Austri, Belgjikë, Mbretërinë e Bashkuar, Irlandë, Itali, Holandë, Poloni dhe Portugali, ndërsa një dispozitë përkatëse ekziston edhe në Francë dhe Spanjë. Autoriteti vendos nga 21% në 43% rritjen e kostove të furnizimit me energji të rrjetit, duke përfshirë stacionet bazë të rrjetit të aksesit celular, qendrat e rrjetit fiks, bashkëvendosjet, qendrat e të dhënave, si dhe ndërtesat e zyrave të ofruesve.
Gjithashtu, analiza e efektit të inflacionit në marzhin e fitimit operativ të kompanive europiane të telekomunikacionit, zbulon se kjo është ngjeshur që nga viti 2020 nga 2% në 5%, ndërsa kostot e pagave janë forcuar përkatësisht në 8%.
Që nga fillimi i vitit, në tokën europiane, ofruesit e telekomunikacionit në një numër të konsiderueshëm vendesh, si Portugalia, Çekia dhe Britania e Madhe, kanë vijuar me rritje çmimesh për shkak të inflacionit.