Ukraina është përpjekur prej shumë kohësh që t’i bashkohet të gjitha organizatave ndërkombëtare për të forcuar sigurinë e saj pas pushtimit rus. Ukraina nuk është ende anëtare e NATO-s apo e Bashkimit Evropian (BE), edhe pse është pas 16 muajsh konflikt të armatosur me Rusinë.
Paçka se ka një mbështetje të madhe ndërkombëtare në luftën kundër Rusisë, Ukraina ka marrë vetëm premtime për integrimin në Aleancën Atlantike. Pak ditë më parë, Presidenti i SHBA-së, Joe Biden, iu përgjigj me një “JO” të fuqishme pyetjes së një gazetari nëse do ta bënte më të lehtë anëtarësimin e Ukrainës në NATO.
Franca dhe Mbretëria e Bashkuar, kanë shprehur kohët e fundit synimin e tyre për të vendosur hyrjen e Ukrainës në NATO në tavolinë në Lituani në afat të shkurtër, pjesërisht si rezultat i vizitave të fundit të Zelenskit në të dy këto vende.
Kjo situatë bie ndesh me idenë e Gjermanisë në këtë drejtim, pasi prioriteti i saj do të jetë fokusimi në garancitë e sigurisë për shkak të klimës së paqëndrueshme gjeopolitike të shkaktuar nga lufta.