Një ushtar hungarez, pjesë e misionit paqeruajtës të NATO-së në Kosovë, ka humbur këmbën, si pasojë e plagëve të marra gjatë protestave në veri mes serbëve dhe shqiptarëve.
Ushtarit i është amputuar njëra këmbë pas lëndimeve të marra gjatë protestës së dhunshme në veri të Kosovës më 29 maj.
Në njoftimin e ministrisë hungareze thuhet se ndërhyrja kirurgjikale ka shkuar mirë, ndërsa gjendja e ushtarit është stabile. Referuar njoftimit të ministrisë, shumica e ushtarëve hungarezë të KFOR-it janë kthyer në shtëpitë e tyre, por gjendja shëndetësore për dy ushtare është ende e rëndë dhe për këtë arsye ata janë duke u trajtuar në spital.