Ditën e nesërme, më 14 Korrik “Turtle Fest” fillon festën në jug të vendit. Kryeministri Edi Rama, edhe pse kërkohet që të jetë në Kuvend për çështjen e Ahmetajt, ka ndarë në rrjetet sociale një video ku ka njoftuar datat dhe vendndodhjen e festivalit i cili do të vendoset në plazhin e Drimadhës.
Turtle Fest” vazhdon traditën e festës dedikuar muzikës elektronike në vitin e 11 në brigjet e detit Jon, duke bashkuar mijëra të rinj në plazhin e Drimadhës këtë fundjavë, më 14, 15 dhe 16 Korrik, gjithçka nën sloganin “Feels Like Home”.
Në postim, Rama rikujton ndjekësit për aplikacionin TEA, kalendarin turistik ku gjenden të gjitha eventet kulturore e artistike në mbarë vendin, përfshirë edhe “Turtle Fest”.