Aktorja Zamira Kita ka dhënë detaje në lidhje me xhirimet e filmit “Në kuadër të dashurisë”.
Në një lidhje direkte me emisionin “Ftesë në 5”, shprehet se ajo vetë mund të sakrifikojë shumë për një film që përkushtohet dhe është e gatshme të bëhet edhe tullace. Ajo ka treguar një histori që ka ndodhur më herët, kur për shkak të një zënkë që pati me burrin, i preu flokët shumë shkurt.
Zamira Kita: Tullace bëhem në moment nëse është në rol për të cilin investohem, apo nëse Beni im do ma kërkonte, do ta kisha bërë.
Bieta Sula: Cila ka qenë kërkesa më e çuditshme e Benit, për shembull lidhur me flokët e tu, apo s’ka pasur?
Zamira Kita: Mos i pre më ka thënë një herë dhe kur jemi grindur, jemi ndarë dy-tre ditë, vajta i preva deri tek veshi prej inatit. E kam bërë dhe në atë kohë kam xhiruar një recital të Mihallaq Andreas me një kokë që nuk më dukej se nuk e kisha timen, se i kisha prerë flokët për herë të parë në jetë.