Prej më shumë se 10 ditësh, disa familje në Nartë të Vlorë vuajnë mungesën e ujit në banesat e tyre. Këtë të hënë, banorët e zonës i janë drejtuar bashkisë së Vlorës për të kërkuar zgjidhje të problemit.
Banorët kanë zhvilluar dhe një takim me përfaqësues të institucionit.
Këta të fundit i kanë premtuar zgjidhje, ndërsa banorët i kanë dhënë afat, në të kundërt do t’u drejtohen institucioneve qendrore ne Tiranë.
“Sezoni i plazhit, na marrin ujin e fshatit e çojnë në det dhe ne digjemi për ujë. Mendo çfarë jete është kjo, do përhapet epidemi. Na larguan djemtë nga fshati, nuk vijnë se nuk kemi ujë”, thanë ata për mediat.