Ku ka zë nuk është pa gjë! Page Six ka konfirmuar që Ariana Grande dhe Dalton Gomez po divorcohen pas dy vitesh martesë.
Burime pranë këngëtares dhe agjentit të pasurive të patundshme thonë se ata janë ndarë që nga janari por kanë ruajtur një marrëdhënie miqësore.
“Ata e morrën këtë vendim së bashku. Kishin probleme para janarit, por vendosën të mbeten miq të mirë.” – ka shprehur kështu një burim.
Gomez, vizitoi Ariana-n në xhirimet e “Wicked” në Londër në një përpjekje të fundit për të shpëtuar martesën e tyre, por “nuk funksionoi”, ndan burimi.
“Ata kanë qenë miq vërtet të mirë gjatë gjithë proçesit dhe miqtë dhe familjarët e tyre janë përpjekur t’i mbështesin ata.”
Grande krijoi thashethemee se dyshja kishin probleme martesore kur ajo u shfaq në Wimbledon gjatë fundjavës pa unazën në gisht.