Kroacia është përfshirë nga moti i keq ditën e sotme, teksa shumë vende të Evropës po përballen me temperatura ekstreme të larta.
Në Karlovac ka rënë breshër në madhësinë e një arre, duke shkaktuar dëme të mëdha.
Në Zagreb, qielli u errësua për pak çaste dhe një erë e fortë shkaktoi dëme shumë dëme. Pemë të shumta u rrëzuan, era shkatërroi çatitë e shtëpive ndërsa shumë rrugë u përmbyten si pasojë e vërshimeve nga ujërat.
Mediat kroate shkruajnë se një pjesë e Zagrebit ka mbetur pa energji elektrike. Autoritetet kanë ndezur sirenat e alarmit për të informuar për situatën e rëndë që po kalon vendi. Për momentin nuk ka informacione nëse ka të lënduar nga stuhia, por dëme të mëdha janë shkaktuar në të gjithë Kroacinë.