Studentët e mjekësisë po mbajnë një protestë para Parlamentit ku sot pritet që të miratohet projektligji që i detyron që të punojnë 5 vite që të marrin diplomën. Ata kanë kërkuar dorëheqjen e ministres së Arsimit, Evis Kushi, pas deklaratës se ligji për punën e detyrueshme, do miratohet dhe për këtë ata nuk do të pyeten.
“Kemi një muaj që protestojmë, por kjo nuk do të thotë se do të ndalemi sot. Jua kemi thënë dhe në komision, edhe në intervista, edhe në protesta, edhe në statuse, edhe në forumin e mjekëve që ne do e çojmë në Gjykatë Kushtetuese çështjen.
Jua kemi thënë dhe këtë tjetrën, ku studentët do të bojkotojnë vitin akademik. Anuloni ligjin, zero kompromis! Ne parlamentin kryesor e kemi këtu! (Për studentët e mjekësisë). Parlamenti i Shqipërisë është gjobëvënie”.