Sali Berisha u shpreh sot se Basha është në një mision si peng i vërtetë, si një njeri që Edi Rama kur të dojë i pret fletën e arrestit me afat burgimi minimumi 6-vjeçar. Nuk vonoi shumë dhe Basha ka reaguar. përmes një postimi në Twitter, ish-kreu i PD-së thotë se është Berisha ai që kërkon me çdo kush që të mbajë peng PD-në.
Po ashtu Basha i bëri thirrje Berishës që të votojnë Vetting-un për politikanët e të shihet se kush është i korruptuar dhe i lidhur me krimin. Sipas Bashës, ai që po mban peng PD-në “për interesat e veta” është Berisha.
“Që ti japim fund baltosjes, që të tregojmë kush është i korruptuar e kush jo, kush është peng e kush jo, kush është i lidhur me krimin e kush jo, le të votojmë Vetting-un për politikanët. Të nisë transparenca nga unë e më pas të gjithë këta që sot e 32 vite mbajnë peng Shqipërinë. Koha është ilaçi më i mirë. Dhe koha e rrëzoi malin e gënjeshtrave që ngriti para shqiptarëve ai që kërkon me çdo kusht e mjet të mbajë peng PD për interesat e veta personale”,-shkruan Basha.