Katër persona humbën jetën dhe shumë të tjerë u plagosën sot kur një tub uji i nxehtë shpërtheu në një qendër tregtare në perëndim të Moskës.
Lajmi u bë i ditur nga kryebashkiaku Sergei Sobyanin, i cili theksoi se disa nga të plagosurit kishin pësuar djegie dhe se shërbimet e urgjencës ishin tashmë në vendngjarje.
Sipas mediave lokale, uji i nxehtë përmbyti një pjesë të qendrës tregtare, duke lënë të plagosur të paktën 70 persona dhe duke bllokuar rreth 20 të tjerë.