Gjykata e Tiranës ka pranuar kërkesën “Bindjes Demokratike” për t’u regjistruar si parti politike e për rrjedhojë i hap rrugën për të marrë pjesë në zgjedhje.

Në seancën e cila ka nisur në orën 14:00 të ditës së sotme, ku gjyqtar ka qenë Ervin Pollozhani mësohet se është pranuar kërkesa e saj për t’u bërë zyrtarisht pari politike.

Edhe pse në fillim u përfol se kryetare e kësaj partie do të ishte Rudina Hajdari, deputetja e “opozitës së re” tashmë është tërhequr duke i’a lënë vendin një tjetër ish-deputeti.

Në krye të kësaj partie do të jetë ish-nënkryetari i Partisë Demokratike, Astrit Patozi.

Ndërkohë që në bordin drejtues do të jenë ish-anëtarë të Këshillit Kombëtar të Partisë Demokratike, si, Leonard Olli, Fabian Topollaj, apo dhe Ardian Kollozi.