Ditë më parë tekniku i njohur Dorjan Bubeqi njoftoi nëpërmjet rrjeteve sociale se e kishte të pamundur të drejtonte skuadrën e Burrelit për shkak të problemeve familjare. Ai falenderoi kryebashkiakun, drejtuesit e klubit, tifozët dhe futbollistët.
Brenda pak ditëve, pas këmbënguljes së zyrtarëve vendorë dhe tifozëve matjanë Dorjan Bubeqi ka pranuar të rikthehet pranë skuadrës verilindore.
“Nesër pasdite do të jem në stadiumin “Liri Ballabani” për të nisur fazën përgatitore me skuadrën e Burrelit. Matjanët e duan futbollin dhe unë vendosa të jem në krye të skuadrës, për të bërë më të mirën e mundshme”, pohoi Bubeqi.